ليه المريخي لونه أخضر؟

بواسطة

ليه المريخي لونه أخضر؟ 


في مسرحية سك على بناتك بيقف الأب فؤاد المهندس مع بنته الوسطانية ويحاول يقنعها بالعريس الجديد فتساله سؤال
وأنا اتجوز ليه؟
فيرد فؤاد المهندس برد عبقري 
عشان لازم تتجوزي، عشان هي كده...
والرد ده one size بس بيلبس كل المقاسات واللي بيترد بيه على كل سؤال من أي نوع
ليه عايشين؟
ليه بناكل سبانخ؟
وليه يا قلبي كل يوم بتحب واحدة  (مش موضوعنا ده)
ليه بنصحى الصبح؟
ليه المريخي (لو كان موجود فعلا) بنتخيله لونه أخضر؟
-عشان هي كده
مفكرتش في..
-هي كده
طيب يعني ايه..
-هي كده

والرد ده عبقريته في انه بيلخص ثقافتنا اللي اتبنت على ردود تقفل الباب في وش أي سؤال وتمنع أي فرصة للتفكير النقدي وبقيت المشكلة في أننا مش بنسال اصلا ونتعامل مع الأسئلة باعتبار اللي بيسال ده من المريخ (وطبعا المريخي معروف بجهله)  وكان أن اللي فتح باب أسئلة في أي موضوع فتح عليك باب الحمام (لا مواخذة يعني)
طيب احنا ليه منسالش؟
وليه متكونش انت غلط؟
وليه منجربش؟
وليه بيداري كده لا ده موضوع تاني برضو
غالبا المشكلة في أننا بنخاف من اللي منعرفوش بنخاف نتعرف أننا منعرفش ونخاف لما نعرف نطلع غلط
أو يمكن لأننا بنستريح لما نحس أننا عارفين ونقلق لما نحس أننا منعرفش أو ان لسه في معلومات تاني وطبعا المثل بيقول اللي نعرفه احسن من اللي منعرفوش
فلو مش عاوز تسأل براحتك بس سيب اللي عاوز لأنه هو قرر يضحي براحة باله ويسيب المريخ ويجي هنا فبلاش تتريقت على لونه لأن هو كده

اسمي باسم نجيب بشتغل مهندس عربيات سوداوي احيانا ومتفائل احيانا وساخر ف الحالتين بحاول أفهم الحياة وأستمتع بكل حاجة فيها، بحب الكتب والأفلام والمزيكا...

تعليقات

إرسال تعليق

المشاركات الشائعة من هذه المدونة

النُص الفاضى

بواسطة
صورة
" ماتبصش لنص الكوباية الفاضى ، بص للنص المليان " جملة اتهرست من كتر استخدامها للتشجع على التفائل او الايجايبة، و واحدة من الاستخدامات دى هو استخدامها كرد يقفل الباب ف وش أي نقد سلبي، و مش هى بس.. لا فيه كمان "ده احسن من مفيش"، "انت كده مبتقولش غير كلام سلبى"، او الرد الامثل والاقوى "بدل ماتنتقد صلح انت بنفسك ".
قراءة المزيد

الضوضاء المبهجة

بواسطة
صورة
الضوضاء المبهجة * -  قصة قصيرة  ** بقيَت ساعتان على موعد السَّفرِ! وعندما شرعْتُ أجمع أغراضي وحقيبتي، لاحظْت اختفاءها، فصحْتُ من داخل غرفتي: “محدِّش شاف مفاتيحي”؟ وسريعًا ما جاءَ الرَّدُ المنتظَر: “وأنت متفتكرش تدوِّر غير لما تتزنِق”؟ وقبل أن يتوتر الجوُّ، سمعْنا جرسَ البابِ. وعندما فتحْتُ، وجدْت أمامي أخي ومعه زوجتُه وابنُه، ذلك الشَّقيُّ ذو العينين الواسعتين والشَّعر النَّاعم غير المسرَّح والوجه المستدير بابتسامتِه المعهودةِ التي تخبّئُ خلفَها حماسًا كبيرًا لبداية فقرةِ لعبٍ جديدةٍ في بيتِ جدِّهِ. وبمجرد دخولِه، تحولَتْ أمّي إلى جدّةٍ بمعايير جدّتي نفسِها التي كانت تطبقُها معي في الماضي؛ إذ راحَت تحضُنه وتضمُّه وقد ضاقت عيناها وعلَتْ وجهَها ابتسامةٌ كبيرةٌ، وبدأت تنطِق كلماتِ التِّرحابِ بشكل طفوليٍّ عفويٍّ، كما بدأَتْ بتحضيرِ سلاحِها السِّريِّ الذي تستخدمُه لجذْبِ قلوبِ الأطفالِ، ويتضمنُ العصائرَ الطَّازجة وبعضَ الفاكهةِ الصَّيفيةِ والأكَلات الخفيفة والسَّريعة التَّحضير. بدأ هذا الشَّقي، والذي لا يكاد طولُهُ يتجاوزُ ارتفاعَ أقربِ طاولةٍ، بلعبته المفضَّلةِ، وهي الرَّكض بين الغرفِ، وإ
قراءة المزيد

ماتيجي نغلط في بعض

بواسطة
صورة
ماتيجي نغلط في بعض كنت مرة في الشارع وحضرت واحدة من امتع الخناقات الي ابتدت بواحد ببدلة بينزل من عربيته بسرعة وبييبص للجزء المخبوط في العربية اللي قصاده واللي تمنها كان باين انه غالي والعربية شكلها جديد والناس تجري تتلم عشان تتفرج وبعدين ينزل واحد تاني شكله محترم في نفسه كده من العربية المخبوطة ويبص على الخبطة بعصبية ويقول "ده مش سواقة بني ادمين ابدا دي" فالاول اللي كان متوتر قالو "من غير غلط لو سمحت انا مغلطش فيك انا مستعد اصلحها" فالتاني هدي وقالوا "منتا بص عملت ايه" فالراجل رد وقال "أسف هصلحالك" فالتاني قاله "لا خلاص" وطبعا لان الناس مش متعودين على خناقة بالشياكة دي ومش عارفين يحوشوا لان مفيش حاجة تتحاش فالناس كلهم مشيوا، بس تعالوا نفكر شوية هو ليه غلط اننا نغلط وهو ليه الغلط غلط؟ الحقيقة احنا كلنا عارفين اننا بشر وكلنا بنغلط و "من منكم بلا خطية" وان ما يجعلنا بشر هو اننا بنغلط ولابلابلاب، ولكن بنتجاهل ان ده بيتضمن انسان غلاط بيتعامل مع انسان غلاط زيه (مش قادر مقولش زبادي غلاط، سامحني انا ليا غلطاتي انا كمان) فطبيعي
قراءة المزيد