كلام ملحدين

بواسطة
وبرغم انى مش بتابع تليفزيون الا انى امبارح سمعت جزء من برنامج لمذيعة مستضيفة واحد ملحد ... اللى لفت نظرى ف الجزء ده م النقاش  انها كانت مهتمه لما حد يساله "ازيك؟" ازاى هيرد ويقول "الحمد لله" او "نشكر ربنا" او لما بيقول "كتر خيركِ" يقصد مين اللى هيكتر الخير ده؟؟؟


بس ف الواقع انه لو اخد قرار انه يلحد بتكون كلماته والفاظه اخر حاجه ممكن نفكر فيها لان معظمها مجرد شوية كلمات واخدينها من المجتمع ومتعودين نقولها وغالبا مش بنقصد معناها الحرفى لكن بنقصد اننا نرد وخلاص
فمثلا يعنى لما حد يسالك "عامل ايه" وانت بترد وبتقوله "نشكر ربنا الحمد لله" هل انت فعلا بتبقى بتشكر ربنا وبتحمده على حالتك ... غالبا نفس الجملة ينفع تقولها وانت مدايق وباين اوى على وشك او وانت فرحان وباين برضه عليك ... للاسف انه مع الوقت الالفاظ دى بتفقد معناها بالتدريج وبتتفرغ من محتواها وبتبقى مجرد كلمات عادية
المشكلة الاكبر بقى انه مش بس الكلمات والردود اللى بتتفرغ من معانيها لكن كمان وقتنا مع بعض وكمان اعيادنا واحتفالاتنا وحاجات واحداث تانية كتير بقت مجرد حاجة تقليدية مفرغة من معناها الحقيقى فمثلا العيد بقى مجرد خروجة مع اصحابك وبتقابل فيها ناس ونسيت "صاحب العيد" او مركز العيد اساسا
حلو انك تقول "الحمد لله على كل حال" بس الاحسن انك بتقولها وانت فعلا قاصدها وانت بتشكر ربنا فعلا وبتحمده حلو انك تعيد مع اصحابك وتتلم معاهم وتفرح بس متنساش مركز العيد وصاحبه وافتكر ان كلكم بتعيدوا معاه بلاش الحمد لله بتاعت الملحدين :)

اسمي باسم نجيب بشتغل مهندس عربيات سوداوي احيانا ومتفائل احيانا وساخر ف الحالتين بحاول أفهم الحياة وأستمتع بكل حاجة فيها، بحب الكتب والأفلام والمزيكا...

تعليقات

إرسال تعليق

المشاركات الشائعة من هذه المدونة

النُص الفاضى

بواسطة
صورة
" ماتبصش لنص الكوباية الفاضى ، بص للنص المليان " جملة اتهرست من كتر استخدامها للتشجع على التفائل او الايجايبة، و واحدة من الاستخدامات دى هو استخدامها كرد يقفل الباب ف وش أي نقد سلبي، و مش هى بس.. لا فيه كمان "ده احسن من مفيش"، "انت كده مبتقولش غير كلام سلبى"، او الرد الامثل والاقوى "بدل ماتنتقد صلح انت بنفسك ".
قراءة المزيد

الضوضاء المبهجة

بواسطة
صورة
الضوضاء المبهجة * -  قصة قصيرة  ** بقيَت ساعتان على موعد السَّفرِ! وعندما شرعْتُ أجمع أغراضي وحقيبتي، لاحظْت اختفاءها، فصحْتُ من داخل غرفتي: “محدِّش شاف مفاتيحي”؟ وسريعًا ما جاءَ الرَّدُ المنتظَر: “وأنت متفتكرش تدوِّر غير لما تتزنِق”؟ وقبل أن يتوتر الجوُّ، سمعْنا جرسَ البابِ. وعندما فتحْتُ، وجدْت أمامي أخي ومعه زوجتُه وابنُه، ذلك الشَّقيُّ ذو العينين الواسعتين والشَّعر النَّاعم غير المسرَّح والوجه المستدير بابتسامتِه المعهودةِ التي تخبّئُ خلفَها حماسًا كبيرًا لبداية فقرةِ لعبٍ جديدةٍ في بيتِ جدِّهِ. وبمجرد دخولِه، تحولَتْ أمّي إلى جدّةٍ بمعايير جدّتي نفسِها التي كانت تطبقُها معي في الماضي؛ إذ راحَت تحضُنه وتضمُّه وقد ضاقت عيناها وعلَتْ وجهَها ابتسامةٌ كبيرةٌ، وبدأت تنطِق كلماتِ التِّرحابِ بشكل طفوليٍّ عفويٍّ، كما بدأَتْ بتحضيرِ سلاحِها السِّريِّ الذي تستخدمُه لجذْبِ قلوبِ الأطفالِ، ويتضمنُ العصائرَ الطَّازجة وبعضَ الفاكهةِ الصَّيفيةِ والأكَلات الخفيفة والسَّريعة التَّحضير. بدأ هذا الشَّقي، والذي لا يكاد طولُهُ يتجاوزُ ارتفاعَ أقربِ طاولةٍ، بلعبته المفضَّلةِ، وهي الرَّكض بين الغرفِ، وإ
قراءة المزيد

ماتيجي نغلط في بعض

بواسطة
صورة
ماتيجي نغلط في بعض كنت مرة في الشارع وحضرت واحدة من امتع الخناقات الي ابتدت بواحد ببدلة بينزل من عربيته بسرعة وبييبص للجزء المخبوط في العربية اللي قصاده واللي تمنها كان باين انه غالي والعربية شكلها جديد والناس تجري تتلم عشان تتفرج وبعدين ينزل واحد تاني شكله محترم في نفسه كده من العربية المخبوطة ويبص على الخبطة بعصبية ويقول "ده مش سواقة بني ادمين ابدا دي" فالاول اللي كان متوتر قالو "من غير غلط لو سمحت انا مغلطش فيك انا مستعد اصلحها" فالتاني هدي وقالوا "منتا بص عملت ايه" فالراجل رد وقال "أسف هصلحالك" فالتاني قاله "لا خلاص" وطبعا لان الناس مش متعودين على خناقة بالشياكة دي ومش عارفين يحوشوا لان مفيش حاجة تتحاش فالناس كلهم مشيوا، بس تعالوا نفكر شوية هو ليه غلط اننا نغلط وهو ليه الغلط غلط؟ الحقيقة احنا كلنا عارفين اننا بشر وكلنا بنغلط و "من منكم بلا خطية" وان ما يجعلنا بشر هو اننا بنغلط ولابلابلاب، ولكن بنتجاهل ان ده بيتضمن انسان غلاط بيتعامل مع انسان غلاط زيه (مش قادر مقولش زبادي غلاط، سامحني انا ليا غلطاتي انا كمان) فطبيعي
قراءة المزيد